《賭波男人嫁得過》作者賭Sir之後又一力作！今次與文史哲達人常威攜手合著「嫁得過」系列2《碌葛男人嫁得過》。《賭波男人嫁得過》於出版短短三個月內即已再版，不啻為出版奇蹟。
《碌葛男人嫁得過》是香港人以香港話寫生活智慧哲學書。
全港第二本以數學同哲學角度，切入香港人真實生活面貌嘅一級奇書，堅不離地，母語教學，繼續以廣東話寫作。
這本奇書，跟《賭波男人嫁得過》一樣分為兩部分。前半部分由賭Sir用數學闡述種種社會碌葛現象，後半部分由常公子用哲學分析社會碌葛意識形態及其社會意義。
在書中，賭Sir首先提出特首普選的機率問題：
作者假設家陣有兩位候選人：華仔and發哥。依家有300萬唔會投白票嘅選民，佢哋都認為華Dee發哥平分秋色，但由於華Dee「牌品好，人品自然好」嘅金句深入民心，因此稍為稱高啲啲。於是每位選民：
有50.1%機率投華仔；有49.9%機率投發哥。
估吓華仔贏面有幾高？
一半一半？ 
50.1% ？錯到飛天！
何謂做社會碌葛？首先，社會碌葛，一定要蠢。
社會上芸芸眾生其中嘅「社會碌葛」，或者都冇辦法避免成為「社會碌葛」嘅命運，又或者冇能力去令到自己變成唔係一碌社會葛。但認清自己嘅身份係乜嘢，總比乜都唔知好。
渾渾噩噩過一生其實無傷大雅，可能有陣時仲嚟得舒服。做個平凡人，做碌開心社會葛，喺一個平平穩穩嘅社會狀態裡面，經歷生老病死整個人生程序，其實係每個人嘅願望。
要成為社會碌葛，意識形態應該係點樣嘅呢？我應該點樣做，先可以成為聽聽話話嘅社會碌葛，方便社會精英管治呢？

精彩內容選錄：
‧買得iPad 梗買保險？
‧租樓蝕底 買樓叻仔？
‧月平息低 借錢好閒？
‧以小博大 買纜發達？
‧點解大學 唔值得讀？
‧點解要強制 細路返學？
‧機率千份之一要幾次先成功？
‧食屎投資法 點解會成功？
‧技術分析 竟然係宗教？
‧咩係 意識形態操控技術？