賭Sir：【杜氏數學】係我經營咗2.718281828459045年嘅頻道，至今有51642位訂閱者，係全港最多訂閱粉絲嘅數學頻道，絕對唔係教觀眾賭錢。

Rios：從事網頁開發十幾年，親身經歷到網絡影片世代既威力，由2017年開始訓身做一個全職Youtuber！經營兩個頻道，【rios circle】1.5萬訂閱，副頻道【rios arc / 弧圓亂語】，由零開始，只做一年都有5千幾訂閱。

劉殿下：【殿下在香港-香港在世界(Hong Kong in the World)】係一個普通打工仔經營嘅頻道，但可能係全世界最大規模嘅廣東話教學頻道。訂閱者得4千幾嗰陣，已經成功被香港報章同電視台注視受邀做訪問。依家訂閱者1萬5左右，但係聚集到嚟自全世界對廣東話有興趣嘅觀眾，歐美、馬來西亞、新加坡、泰國、越南等等。

常公子：原名常威，大清國遺民，籍貫海豐，全港唯一廣東話粵語近代史頻道【常公子頻道】總理大臣，全職作家，兼職YouTuber，中年脫貧，為夢想而戰，為香港人言論自由發聲，不屈不撓，努力嚮前，希望成為後生仔典範，如果可以，更希望被特區政府統戰部招攬，成為全職五毛，下半身生活無憂。